സര്ക്കാര് സ്വയംഭരണ സ്ഥാപനമായ കേരള മീഡിയ അക്കാദമിയുടെ ഡിപ്ലോമ ഇന് ഓഡിയോ പ്രൊഡക്ഷന് കോഴ്സിലേക്ക് അപേക്ഷിക്കാം. സൗണ്ട് എന്ജിനീയറിംഗ്, ആര് ജെ ട്രെയിനിംഗ്, ഡബ്ബിംഗ്, പോഡ്കാസ്റ്റ്, വോയ്സ് മോഡുലേഷന്, സൗണ്ട് ഡിസൈന്, റിക്കോര്ഡിങ്ങ്, പ്രൊഡക്ഷന് തുടങ്ങിയ വിഷയങ്ങളില് പ്രായോഗിക പരിശീലനം നേടി ഏറെ തൊഴില് സാധ്യതയുള്ള സര്ക്കാര് അംഗീകൃത യോഗ്യത നേടാം. കേരള മീഡിയ അക്കാദമിയുടെ തിരുവനന്തപുരം, കൊച്ചി സെന്ററുകളില് ആണ് ക്ലാസ്സ് നടക്കുന്നത്. ഇരു സെന്ററുകളിലും പ്രവര്ത്തിക്കുന്ന അക്കാദമിയുടെ റേഡിയോ കേരള സ്റ്റുഡിയോയിലാണ് ക്ലാസും പരിശീലനവും. രണ്ടര മാസമാണ് കോഴ്സിന്റെ കാലാവധി. സര്ക്കാര് അംഗീകാരമുള്ള കോഴ്സിന് 25000/ രൂപയാണ് ഫീസ്. വിശദ വിവരങ്ങള്ക്ക് അക്കാദമിയുടെ www.kma.ac.in എന്ന വെബ്സൈറ്റ് സന്ദര്ശിക്കുക. ഫോണ്:കൊച്ചി -7356751960, തിരുവനന്തപുരം-9744844522. വിലാസം – സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി-682030.
കേരള മീഡിയ അക്കാദമി ഇന്സ്റ്റിറ്റ്യൂട്ട് ഓഫ് കമ്യൂണിക്കേഷനില് പി.ജി.ഡിപ്ലോമ ജേണലിസം ആന്റ് കമ്യൂണിക്കേഷന്, ടെലിവിഷന് ജേണലിസം, പി.ആര് ആന്റ് അഡ്വര്ടൈസിംഗ് വിഭാഗങ്ങളില് ഒഴിവുള്ള ഏതാനും സീറ്റുകളിലേക്ക് 2026 ജൂലൈ 17 വരെ സ്പോട്ട് അഡ്മിഷന് നടത്തുന്നു. ബിരുദമാണ് അടിസ്ഥാന യോഗ്യത. ഫോണ്: 9747886517, 9847030932.
സംസ്ഥാനസര്ക്കാരിന്റെ നിയന്ത്രണത്തിലുള്ള സ്വയംഭരണസ്ഥാപനമായ കേരള മീഡിയ അക്കാദമിയുടെ ഡിപ്ലോമ ഇന് ഓഡിയോ പ്രൊഡക്ഷന് കോഴ്സിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. സൗണ്ട് എന്ജിനീയറിംഗ്, ആര് ജെ ട്രെയിനിംഗ്, ഡബ്ബിംഗ്, പോഡ്കാസ്റ്റ്, വോയ്സ് മോഡുലേഷന് എന്നീ വിഷയങ്ങള് ഉള്പ്പെടുന്നതാണ് കോഴ്സ്. തിരുവനന്തപുരം, കൊച്ചി സെന്ററുകളിലെ റേഡിയോ കേരള സ്റ്റുഡിയോയിലാണ് ക്ലാസും പരിശീലനവും. വിദ്യാര്ത്ഥികള്ക്ക് സൗകര്യപ്രദമായ സെന്ററില് ചേരാം. രണ്ടര മാസമാണ് കാലാവധി. ഏറെ തൊഴില് സാധ്യതയുള്ള സര്ക്കാര് അംഗീകൃത കോഴ്സിന്റെ ഫീസ് 25000/ രൂപ. തിങ്കള് മുതല് വെള്ളി വരെ രാവിലെ 10 മുതല് വൈകീട്ട്’് നാലു വരെയാണ് ക്ലാസ്. പ്രായപരിധി ഇല്ല. അടിസ്ഥാനയോഗ്യത പ്ലസ് ടു. അപേക്ഷ സ്വീകരിക്കുന്ന അവസാനതീയതി 2026 ജൂലൈ 15. വിശദവിവരത്തിന് www.kma.ac.in എന്ന വെബ്സൈറ്റ് സന്ദര്ശിക്കുക. ഫോണ്: കൊച്ചി – 0484-2422275, 6282919398, തിരുവനന്തപുരം-9744844522.
സംസ്ഥാന സര്ക്കാരിന്റെ നിയന്ത്രണത്തിലുള്ള സ്വയംഭരണസ്ഥാപനമായ കേരള മീഡിയ അക്കാദമി തിരുവനന്തപുരം, കൊച്ചി സെന്ററുകളില് തുടങ്ങുന്ന ഫോട്ടോ ജേണലിസം കോഴ്സിലേയ്ക്ക് ജൂലൈ 10 വരെ അപേക്ഷിക്കാം. തിയറിയും പ്രാക്ടിക്കലും ഉള്പ്പെടെ മൂന്നു മാസമാണ് കാലാവധി. ശനി, ഞായര് ദിവസങ്ങളിലാണ് ക്ലാസ്സുകള്. 25 വീതം സീറ്റുകള് ഉണ്ട്. സര്ക്കാര് അംഗീകാരമുളള കോഴ്സിന് 25,000/ രൂപയാണ് ഫീസ്. പ്ലസ് ടു വിദ്യാഭ്യാസയോഗ്യതയുളളവര്ക്ക് അപേക്ഷിക്കാം. അപേക്ഷ സ്വീകരിക്കുന്ന അവസാനതീയതി 2026 ജൂലൈ 10. ഫോണ്: കൊച്ചി: 8281360360, തിരുവനന്തപുരം: 9447225524, 0484-2422275 .
കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്മ്യൂണിക്കേഷനിലെ പി.ജി.ഡിപ്ലോമ ജേണലിസം & കമ്യൂണിക്കേഷന്, ടെലിവിഷന് ജേണലിസം, പി.ആര് & അഡ്വര്ടൈസിംഗ് വിഭാഗങ്ങളില് ഒഴിവുള്ള ഏതാനും സീറ്റുകളിലേക്ക് ജൂൺ 22 (തിങ്കൾ) മുതൽ സ്പോട്ട് അഡ്മിഷന് നടത്തും. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. ഫോണ് നമ്പർ 9747886517,9847030932,
കേരള മീഡിയ അക്കാദമിയുടെ ന്യൂമീഡിയ & ഡിജിറ്റല് ജേര്ണലിസം ഡിപ്ളോമ കോഴ്സിലേക്ക് (ഈവനിംഗ് ബാച്ച്) ജൂലൈ 5 വരെ അപേക്ഷിക്കാം .
ആറു മാസമാണ് കോഴ്സിന്റെ കാലാവധി. കൊച്ചി, തിരുവനന്തപുരം കേന്ദ്രങ്ങളില് വൈകീട്ട് 6.00 മുതല് 8.00 വരെയാണ് ക്ലാസ് സമയം. ഒരേ സമയം ഓണ്ലൈനിലും ഓഫ്ലൈനിലും ക്ലാസ് ലഭ്യമാണ്. സര്ക്കാര് അംഗീകാരമുള്ള കോഴ്സിന് 35,000 രൂപയാണ് ഫീസ്. ഡിഗ്രിയാണ് വിദ്യാഭ്യാസയോഗ്യത. പ്രായപരിധി ഇല്ല. ജേര്ണലിസം,മോജോ, ഡിജിറ്റല് മാര്ക്കറ്റിംഗ് കണ്ടന്റ് റൈറ്റിംഗ് ടെക്നിക്സ്, ഫോട്ടോ ജേര്ണലിസം,വീഡിയോ എഡിറ്റിംഗ് തുടങ്ങിയ വിഷയങ്ങളില് പ്രായോഗിക പരിശീലനം നേടാം.
അനുദിനം മാറുന്ന നവീന സാങ്കേതികവിദ്യകള് സ്വായത്തമാക്കുന്നതിലൂടെ ഓണ്ലൈന് മാധ്യമമേഖലയുടെ അനന്തസാധ്യതകള് ഉപയോഗപ്പെടുത്താന് കോഴ്സ് ഉപകരിക്കും. ഫോണ്: 0484 2422275, 2422068, 9388959192 വിലാസം സെക്രട്ടറി , കേരള മീഡിയ അക്കാദമി , കാക്കനാട്, കൊച്ചി – 682030.
കേരള മീഡിയ അക്കാദമി പോസ്റ്റ് ഗ്രാജുവേറ്റ് ഡിപ്ലോമ കോഴ്സ് 2026-27 ബാച്ച് പൊതുപ്രവേശന പരീക്ഷാഫലം പ്രഖ്യാപിച്ചു. ലിസ്റ്റില് ഉള്പ്പെട്ടിട്ടുള്ള വിദ്യാര്ത്ഥികളുടെ ഇന്റര്വ്യൂ ജൂണ് 10-ന് (ബുധന്) രാവിലെ 9.30 മുതല് വൈകീട്ട് 4.00 മണി വരെ കൊച്ചി കാക്കനാടുള്ള അക്കാദമി ആസ്ഥാനത്ത് നടക്കും.
